Lyrics Läbenszeichä - MQ feat. Migo & Sam, MQ, Migo

Läbenszeichä

I rennä ghetzt drvo, eigentlech wüsstis besser, s`glingt mr scho
Glich fesslet mi immerno, dr stress i mim hingerchopf
I gloube scho meischtens fasch, i loufe allei dürd matrix
Lug hie unger si nur money u margechleider farbig
Gseh öii morsche gsichter, di tote Blicke
Gformt um nid im job z`erstickä u jedes opfer z`bringä
No wotti hoffe uf läbe, müed vo öine grosse vrspräche
Gseh se au zerbroche i schärbe
U ha nimau dr zorn um mi z`räche
U si mir nid so genau wi si di hei wöue ha?
Dsd z`kaputt bisch zum dänke
Während dä nid für ihri chöle schaffsch?
Chasch gärn zynisch lächlä, dsmr üse troum no vürfouge
Grad wüude gloubsch, du dürschousches
Hesch du kes rächt, ou nüt z`ändrä
Ha no immer vrtrouä i mini rise revoutä
Und probierä mi glich z`erfröiä a dä chlinä erfougä
U klar sisi no wit wäg, mi wäg, di wäg
Doch i weis scho wis wär, i schribä di täg, bis när, di säm
Es git tröimer, zwar immer no nid gnuä
Aber denä iri spurä chamä fingä wemä suächt
Bis iz sis nid viu wo diä zeichä gseh, mit dir simer einä meh
I wot mi losrissä, sit ig weiss was los isch
Bloss wüu ds z`gross für paar zämägriimti wort isch
Mahni oft zur vorsicht, warnä vor dä vorschriftä
We ke teil vom plan bisch, wirsch vo ihnä todgschwigä
Paradoxi gseuschaft, wo di uffordert di izordnä
Wärs ni uf dr steu schafft, wird usgschlossä u ibschlossä
Steckä üs i schubladä, türänä stöh nüm wyt offä
Mönschä wonä nid passä, wärdä zu unagnähmä zytgnossä
Diä wo sech zeigä, wärdä vertribe, wen si sech vereinä
Ws bringt cash, weni mir drmit numä es edlers chefi leistä?
I gseh wis geit, bi no nid verbländet vo dr strahlig
Drum beschwäri mi, so lang
Bis me d`veränderig o wahr nimmt
Weni nachedänkä, fragi mi ab däm täglechä wahnsinn
Wiä mir i fänster starrä, bis mir amne mänti nüm da si
Den mir wüssä dases uf üs zuächunt, doch nid wen
Es si d`zeichä vor zyt wos wärdä zeigä, bis den
Es git tröimer, zwar immer no nid gnuä
Aber denä iri spurä chamä fingä wemä suächt
Bis iz sis nid viu wo diä zeichä gseh, mit dir simer einä meh
I bi uf dr suechi, jedi spur vo mönschlechem beruhigt mi
I däm mittlerwile sterile konstrukt hie
U duss ischs wi dinn, mir dänkä nüme aues z'änd
Wüu di putz-teams patrouilliärä dür gedankegäng
I gseh steue wo ufkratzt si, im rahme us plastig
Zwüschem fänschter vom tram u däm platz woni druf absitz
Vo gfangene vom fahrzüg, wo sech nid chöi wehre
Fingernegle grabe sech i kunschtoff
Ihre fruscht-job chunnt immer necher
Isch Verchehr z’letschte wo üs no bewegt?
Simer irgendwenn gstorbe und heis nume no nid gmerkt?
Oder gits da villech me? Hou dä bund mit dä schlüssle
Woni bruche für z’bügle, us dä jeans u i chritz
I di schibe näb mir es truurigs smilie wo grännet
Lug mitre guet gwäute entfährnig passt mis spiegubiud dri
Vilech gsehsch’s bevors entfärnt wird, vilech o nüme
Aber acht di im 8i nach brünne, peace
Es git tröimer, zwar immer no nid gnuä
Aber denä iri spurä chamä fingä wemä suächt
Bis iz sis nid viu wo diä zeichä gseh, mit dir simer einä meh