Lyrics Шэрая кроў - Лявон Вольскі

Шэрая кроў

Сагрэйце нас, песьні старыя,
У нашых халодных кватэрах,
На нашых сьцюдзёных паверхах,
На нашых квадратных мэтрах.
Сагрэйце нас, цёплыя вершы
На нашых мэтрах квадратных,
На нашых плошчах прыватных,
У нашых састылых хатах.
Льецца на дол
Кроў гарадоў,
Шэрая кроў.
Шэрая кроў,
Кроў гарадоў
Льецца на дол.
Сагрэйце нас, думкі пра сонца
У нашых мікрараёнах,
У нашых ушчыльненых зонах,
У нашых клонах бэтонных.
Льецца на дол
Кроў гарадоў,
Шэрая кроў.
Шэрая кроў,
Кроў гарадоў
Льецца на дол.
А можа, ня трэба грэць нас?
Хай будзе ўсё як будзе…
Свой холад бліжэй да цела,
Свае квадратныя мэтры.
Свой холад бліжэй да цела,
Свой холад бліжэй да цела,
Свой холад бліжэй да цела,
Свой холад бліжэй да цела…
Льецца на дол
Кроў гарадоў,
Шэрая кроў.
Шэрая кроў,
Кроў гарадоў
Льецца на дол.