Lyrics I Go To Sleep - Night Skinny

I Go To Sleep

Nuje stise in posti distanti
Po', pe' 'n'istante
'o niro d’o scuro è cchiù bianco
'o lietto nun è cchiù vacante
Sento a tte a fianco
Quando stanco m’addormo
Quando tengo 'nu ricordo
Comme a quando t’aggio perso dint’a folla
Ccà l’uocchie mije dint’e tuoje ce vanne ddoje vote
A 'na museca fatta pe' tte ce servono cchiù 'e mille note
E fiato fin quando 'e pparole nun fernesceno
(ca me credevo brav', ma si parlo 'e te nun jescene)
Je appis' a 'na cuperta
'nu quarto 'e luna a int’a fenesta
'nu cane allucca
Cchiù nun dormo, cchiù t’avverto
Chiudo l’uocchie e sento comme a 'na presenza
Me bussa 'a tristezza 'e quando cammenavo senza
L’atmosfera mo è cchiù densa
Mo ca te penso
'e sensazion' song' fatte d’emozion'
Sì, s'è fatta 'a mezza
È l’ora ca me cocco e ca 'e pensiere spezzo
Ma nun tocco tasto ca nun porta a te pe' 'st'esistenza
'E parole pe' tte so' poche ma nun song' amare
M’issa vede' aint' p’e puté contare, p’e puté spiegare
So' comme a l’onne d’o mare:
'nfonnene, po' s’annasconnene
Tu strigneme cu 'e mmane
E mmo, distanza a parte
Capisco l’importanza
'e averte quando parto pe' 'nu viaggio
Quando cerco cchiù curaggio
Quando cchiù 'e nu raggio 'e sole nun scarfa 'sta carne
'nu friddo scenne pe' ce spartere
'e mmane nostre ca se 'ncartano
Comme a foglie 'e giurnale
Una dint’a 'n'ata, s’ammescano 'e carattere
Una segna all’ata
'O mmio c’o tuoje fa' 'o nuosto
'o riesto nemmeno ce sposta
'e 'nu centimetro
Resta 'o fremito 'e 'nu brivido
'e livide ca ce dividono
Pe' vvia 'e ll’orgoglio
Nun è chesto ca voglio
Saccio ca niente cchiù è impossibile
Mo coglio in pieno 'o senso 'e chello ca sentevo quando te vedevo e nun capive
chello ca era chesta freva
'nu ciclo naturale
Si l’acqua torna sempe a mmare
Je passo 'e notte aspettanne dimane
E nun rimane amaro 'mmocca
Me cocco sicuro 'e chello ca provo
Chiudenno l’uocchie a fianco a te me trovo