Lyrics Land O the Leal - Grey Dogs, Kathryn Joseph

Land O the Leal

I’m wearin' awa', John
Like snaw-wreaths in thaw, John
I’m wearin' awa'
To the land o' the leal
There’s nae sorrow there, John
There’s neither cauld nor care, John
The day is aye fair
In the land o' the leal
Our bonnie bairn’s there, John
She was baith gude and fair, John
And O!
We grudged her sair
To the land o' the leal
But sorrow’s sel' wears past, John
And joys are coming fast, John
The joy, it’s aye to last
In the land o' the leal
Sae dear’s the joy was bought, John
Sae free the battle fought, John
That sinfu' man e’er brought
To the land o' the leal
O, dry your glistening e’e, John
My saul langs to be free, John
And angels beckon me
To the land o' the leal
O, haud ye leal and true, John!
Your day, it’s wearin' through, John
And I welcome you
To the land o' the leal
Now fare-ye-weel, my ain John
This world’s cares are vain, John
We’ll meet and we’ll be fain
In the land o' the leal