Song information On this page you can find the lyrics of the song Pfeuti, artist - Patent Ochsner. Date of issue: 31.12.2010
Song language: Deutsch
Pfeuti |
| Är schteit am fänschter |
| Luegt am schnee zue |
| Huucht a d schybe |
| Zeichnet mannli dry |
| D moderatorin am radio |
| Verzellt e schlächte witz |
| Isch glücklech |
| Oder tuet z mingscht so |
| & när geit d türe uuf |
| Wie ne wysse wirbelwind |
| Schteit plötzlech d schwöschter da |
| Setzt das diebschtahlsichere lächle uuf |
| & fragt: |
| «so herr pfeuti wie geit’s üs?» |
| & wie jede tag seit är: |
| «merci es muess» |
| Aber das ghört sie nümm |
| Wüll sie ds bett macht |
| & angeri sorge het |
| Är nimmt e schluck vo däm café |
| & dä isch chaut |
| & schwarz |
| & bitter |
| Dusse schneit’s no ging |
| Dr park ligt grau in grau |
| Vor sym fänschter |
| & es düecht ne |
| Dä zitteri vor chälti |
| Är ghört wie d frou am radio |
| Vo re massekollision redt |
| …uf dr änn-eis… |
| Irgendwo ir nöchi vo olte |
| S isch nid z erschte mal won är das ghört |
| Aber ds erschte mal |
| Won är über so öppis muess lache… |