Lyrics The Trooper and the Maid - The Tannahill Weavers

The Trooper and the Maid

A trooper lad came here ae night
Wi' riding he was weary
A trooper lad cam' here ae night
When the moon shone bright and clearly
She’s taen the trooper by the haun
And let him tae her chamber
She’s gied him cheese and wine tae drink
And the wine it was like amber
Bonnie lassie I’ll lie near ye noo
Bonnie lassie I’ll lie near ye
I’ll gar all yer ribbons reel
In the morning e’er I leave ye
She’s made her bed baith lang and wide
And made it like a lady
She’s taen her coatie ower her heid
Saying trooper are ye ready
They hadnae been but an 'oor in bed
An 'oor and half a quarter
When drums cam' beatin doon the street
And every beat was shorter
And when will you come back again
My own dear soldier laddie
And when will you come back again
And be your bairnies daddy
Bonnie lassie I maun leave ye noo
Bonnie lassie I maun leave ye
When heather bells grow cockle shells
Then I’ll come and see ye
She’s taen her coatie ower her heid
And followed him up to Stirling
She grew sae fu' she couldnae boo
He left her in Dunfermline