Lyrics Sie Määt Süchtig - BAP

Sie Määt Süchtig

Du hatts dir su fess vüürjenomme
Du feels op kein mieh rinn:
«Ejal, wat kütt, ejal wat nit
Met Liebe ess nix mieh drinn!»
Em Zweifelsfall hässte treck affjewunke:
«Mich mäht kein Frau mieh blind!»
Denn schon beim eezte klizzekleinste Funke
Zuck dat jebrannte Kind
Du hatt’s dir’n Maginot-Linie öm et Häzz jebaut
Hätts keinem Losungswoot mieh övver der Wääsch jetraut
Vüür hühre Dööchter un Prinzessinne op Hääze op der Hoot
Häss du jeschwoore
Refr.:
Sie määt süchtig
Einfach alles ahn ihr trick dich zo ihr hin —
Wie en Hypnose, wie magnetisch
Du wills ständig bei ihr sinn
Su lang künnt keine Winter sinn
Su düster wöhr kein Naach
Dat dir der Blues noch ens e Schnippche schleet
Hässte nur laut jelaach
Doch wie mer lang, lang bruch, öm jung zo weede
Wie der Picasso säht
Sching och die Binsenweisheit wohr ze sinn
Vun wäje: «…nie zo spät»
Jetz läufste römm, als ob de’e Tor jeschosse hätts
Un jeder denk: «Dä spennt, dä's wie en Trance versetz!»
Adrenalin hält dich am Schwebe, un du strahls
Wie mer dich lang ald niemieh kennt
Refr.:
Sie määt süchtig
Einfach alles ahn ihr trick dich zo ihr hin —
Wie en Hypnose, wie magnetisch
Du wills ständig bei ihr sinn